Shillong, Lber 20: Ki Nurse kiba trei hapoh jong ka Robert Hospital mynta ka sngi ki la pynlong ia ka jingialehkai ha phyllaw jong katei ka jaka ai jingsumar ban pyni ba kumno lah ban pynkoit ia ka jingpang Tuberculosis da kaba dih tista ia ki dawai.
Ha ka jingkren jong ka Dr J Lyngwa kaba dei peit ia ka District Tuberculosis officer jong ka East Khasi Hills, ka la ong ba bunsien ki briew kiba ioh ia kane ka jingpang kim juh dih thikna ia ka dawai namar ka jingdih dawai ka dei ban pynneh linter haduh phra bnai.
Ha ka juh ka por la nga na ka liang jong ka sorkar ka pynbiang ia ki dawai ha man ki jaka bad kane ka dei ka jingai jingsumar ei ha kaba ki paidbah kim don kam ban siew ei ei ruh em. Ka jingpang TB ka dei kaba lah ban pynkoit la da ia treilang na baroh ki liang.
Ka la ong ba ha kane ka jylla Meghalaya ki don haduh 5112 ngut kiba don ia kane ka jingpang bad u wei u nongpang u lah ban pynphirang ia kane ka jingpang sha kiwei haduh 15 ngut lada kam don ka jingiada kaba biang ka long ka jingmang ia ka jylla ban rat ia kane ka jingpang dei tang ka jingdih ia ki dawai da kaba tista bha.
Kum kane ka jingialehkai yn pynlong ha ki jaka bapher bapher ban pynsngewthuh ia ki paidbah ia ka jingma bad ha ka juh ka por ban pyntip sha ki paidbah ba don ka jingkoit ruh lada shim khia ban dih tista ia kidawai.(SP News)
