New Delhi Nailar 17: Ka Unique Identification Authority of India, (UIDAI) ka la ong ba kan lah ban pyndep ia ka jingpynrung kyrteng ia ki briew haduh 60 klur ngut ha ka skim Aadhaar hapoh jong u snem 2014.
Katkum ka khien kaba la ioh ka long ba tang ha u Naitung la lah ban pynrung kyrteng haduh 2 klur. Ka UIDAI ka la pynbna ba kan sa buh ia ki jaka trei kam ba paka na ka bynta kane ka jingpynrung kyrteng ha baroh ki jylla.
Katkum ka jingkhein kaba la ioh da ka UIDAI ka pyni ba h akane ka jylla Meghalaya la lah ban register tang 2675 kaba duna eh ha ka ri baroh kawei dei ka jylla Arunachal Pradesh tang 1848. Haba shim ha kane ka dong shatei lam mih ngi jong ka Ri India ka jylla Assam kadei kaba la bun briew eh hynrei ka dang lah ban rehister tang 36480.(SP News)
