Shillong, Nailur 27: Mynta ka sngi ha ka por 12.30 baje shiteng sngi ki briew kiba ym lah ban ithuh ki la leit rung ha iing jong u heh pulit u BR Rana IGP ba dei peit ia ka tand CID bad kawang petrol bomb ia ka kali jong u kaba dang pynieng ha phyllaw iing.
Kane ka kali kaba don ia u ML02 0437 kane ka dei ka kali kaba la ai da ka tand pulit ha u tei u heh banpyndon kam. Ha kane ka jingjia ki tyre jong ka kali kiba na dien ki la shah thang bad ka iiet kaba na khmat ka la shah pynra ki pulit ki dang tohkit ia kane ka jingjia.
Ha kawei pat ka jingjia ha ka por 2.30 baje noh phai sngi ki briew kiba ym lah ban tip ki la leit ban kawang da u petrol bomb ia ka karkhana ot dieng jong u Rajesh Gurung kaba don ha Lymshyiap ha Nongmynsong, hynrei da ka jigkloi jong ki paidbah ban tem ia ka ding kane ka karkhana ka la lait na ka jingjulor.
Mynta ka miet ha ka por 8 baje ki briew kiba ym lah ban tip ki la thang ia ka kali jong u SDO ka tand PWD Building ba dei peit ha Nongstoin kane ka jingjia ka la jia ha Mawlai Umjiur kane ka kali ka laduh kumba 25 percent. Kane ka kali kaba la shah thang ka dei ka Gypsy kaba don ia u number ML01 4181. Kane ka kali ka dei kaba la ai sha u Bah Markus Phosnem.
Na ka liang jong ki pulit kila pynlong ia ka jingthoh kit ha kaba ia dei bad kine ki jingjia bad na ka liang jong ki bor jong ka ain ki la phikir bha ban pahara ban peit ba ki nongleh kam sinew kin nym ioh lad.(SP News)
