Shillong, Jylliew 07: Ka jingbym lah ban pynshitom ia ki nongleh kam sniew ha kaba ia dei bad ki kam leh beijot ia ki kynthei ha kane ka jylla ka la pynlong ia ki nongleh kam sniew ban nym tieng shuh ia ka ain.
Ha ka 5 tarik mynta u bnai u Alsin D Marak ha ka por san baje jan miet u la shah la dat ia kawei ka nonghikai skul ha West Garo Hills District bad ynda u la dep shoh u la pyrshang ruh sa ban bat bor ia kane ka nonghikai.
Na ka liang jong ki pulit ki la register ia kane ka jingjia bad ha duh ba thoh ia kane ka khubor na ka liang jong ki pulit kim pat kem ia une u briew. (SP News)
Ha kawei pat ka jingjia kaba sngewsih ha kaba ar ngut ki rangbah ki la iap jyllop ha ka wah Umngot ha ka 4 tarik mynta u bnai.
Kine ki ar ngut ki rangbah kiba la khlad noh ki long u Bah Aibokstar Nongrum (27) bad u Bah Kyrmenlang Nongrum (38 ). Na ka liang jong ki pulit haduh mynta ki la ioh ban sei tang ia ka met jong u Bah Aibokstar Nongrum.(SP News)
