Shillong, Iaiong 13: Ka shad suk mynsiem kaba shisien shi snem kaba la pynlong da ka seng khasi seng kmie na Mawkhar ka la sdang mynta ka sngi ba kan kut ha ka 15 tarik mynta u bnai . kane ka shad ka long ban ainguh ai dem ia u trai kynrad nongbuh nongthaw.
Ka shad suk myneim ka pynir ruh sha ka pyrthei ba kum ka jaid bynriew khasi ka don ia la ka jong ka tynrai kum ka jaidbynriew khlem da ia shim kylliang na kiwei pat ki jaidbynriew. Kane ka shad suk mynsiem ka pynisha ka pyrthei ba u Khasi u don la ka jong ka kolshor.
Ia kane ka jingshad kaba la pynlong man u snem ha Madan weiking , kiwei pat ki shnad seng khasi ki pynlong ia ka shad suk mynsiem ha dien ba la dep kane ka shad suk mynsiem ha Weiking.
Kane ka shad ka neh lai sngi linter, ia ka sngi sdang la tip kum ka sngi noh kjat, ka bud sa ka sngi kaba ar bad ha ka sngi kaba lai la pynkut ia kane ka shad suk mynsiem.
Ha kine ki lai sngi ki rang samla bad ki thei samla ki wan na kylleng jong ka Ri khasi ban ia shim bynta ha kane ka sahd ka kmen ban pynisha ka pyrthei ia la ka jong ka tynrai ba ka jaid bynriew ka don.Kane ka sien shad kaba mynta ka dei ka shad kaba 102 naduh ba la sdang ia ka.(SP News)
