Shillong, Jymmang 04: Ka Career Guidance Counselling & Information Wing jong ka Meghalaya Judo Association ryngkat bad ka IL&FS Skill Training Institute, Shillong kan pynlong ia ka jinghikai na ka bynta ki samla wad kam wad jam halor ka Skill Development Training bad kumno ban ioh kam.
Ia kane ka jingai jinghikai yn pynlong ha Saitsohpen Sohra Sumo Stand ha la shai ka sngi nymkong naduh ka por 10 baje mynstep. Kumta la wer ia ki khun samla baroh kiba la pass klas V shaneng bad kiba la kynjoh 18 snem shaneng, ki longkmie ki longkpa ban poi sha kane ka jingai jinghikai.
Kane ka jinghikai ka long ban ioh ki jingtip kiba kham bniah shapahng ki lad ioh kam ioh jam lyngba Ka Skill Development Programme bad job Placement. Lada don kiba kwah tip khambniah phi lah ban leit mih ha Ophis IL&FS, Dhankheti Main Road Shillong. na ka bynta ki Skill Training bapher bapher yn ym donkam ban siew pisa eiei ruh em. (SP News)
