Shillong, Nailar 09: Ha kaba ia dei bad ka jingrakhe ia ka sngi ioh laitluid kaba 67th jong ka Ri India mynta u snem la pynbeit ia kine ki heh sorkar ba kin shim ia ka salute ha ka sngi rakhe ia ka jingioh lait luid jong ka Ri India ha ka 15 tarik mynta u bnai.
Katkum ka jingpynbeit na ka tnad GAD, ha kane ka nongbah Shillong u myntri rangbah ka jylla u Dr Mukul Sangma ym shim ia ka salute ia ka lama jong ka Ri India. U Bah Rowell Lyngdoh ha Nongstoin u Dr RC Laloo ha Tura.
U Shongknor jong ka Jylla u AT Mandal un shim ia ka salute ha Nongpoh, Ha Jowai u Bah Sngewbhalang Dhar, Ha Williamnagar da ka Debora C Marak, ha Sohra Dr Ampareen Lyngdoh, ha Mawkyrwat da u Bah HDR Lyngdoh, ha Mairang da u Bah DD Lapang nongai buit jong ka sorkar.
Ha Khliehriat da ka Kong Roshan Warjri, ha Ampati da u Clement Marak, ha Dadenggre da u Bah A L hek, ha Resubelpara da u Zenith Sangma baroh ki myntri sorkar.
Ha Amlarem da u Bah S Mukhim,; ha Patharkhtnah Administrative Unit da u Dr. C Lyngdoh, , ha Mawshynrut Administrative Unit da u bah K C Khyriem baroh ki dei ki parliamentary secretary, u Bah David Nongrum, Chairman, Meghalaya Tourism Development Corporation; ha Shangpung Elaka da u Bah Robinus Syngkon, Parliamentary Secretary. Kane ka long katkum ka jingaijingtip jong u Principal Secretary jong ka sorkar na ka GAD (A).
Ha ka juh ka por na ka liang jong ka Raj Bhavan ka la pyntip paidbah ia kane ka jaka sah jong u lat yn plie paidbah haduh ka 14 tarik haduh ka 15 tarik mynta u bnai bad kane kan long naduh ka por 5.30 jan miet haduh 7.30 mynmeit.(SP News)
