Shillong, Nailar 11: ka seng ki khlieh nongsynshar jong ka jylla Meghalaya kaba kynthup 
ia ki Syiem, Ki Doloi bad ki Nokma ia kaba la tip kum ka “Grand Council of Chiefs of Meghalaya” kan ia kynduh ha ka 13 tarik mynta u bnai ban ia kren ia kane ka jingiasoi soskular bad ka sorkar pdeng.
Ha kane ka sngi ka GCC kan pynlait paidbah ruh ia ka shithi kaba la thoh da u myntri rangbah duh jong ka Ri India U Jawahaelal Nehru ba la bam kwai ha dwar u blei sha ki syiem jong ki hima khasi.
Kane ka shithi kaba la thoh da u myntri rangbah duh ba nyngkong jong ka Ri India ka dei kaba dang shu ioh dang shen bad la lap ia kane ha dien ba ka GCC ka la pynlong ia ka jingwade bniah ia ka ha dien b8un bun snem. Ia kane ka shithi yn sa pynlait paidbah ha katei ka sngi.
Ha kane ka sngi kin ia kren halor kane ka jingtieh kular kaba la iaid mynta la 65 snem kaba ki syiem khasi ki la iateh bad ka sorkar pdeng kaba la sdang naduh ka 15 tarik Nohprah 1947 haduh 19th Lber 1948 ia kaba la ia soi hapdeng ki Syiemb ad u Akbar Hydari governor jong ka jylla Assam.
Ha dien ba ki syiem khasi ki la soi lut ia ka jingiatehkular ha ryngkat ki kyndon la rah sha Delhi ha kaba la soi da u Chakravarti Rajagopalachari ba la bam kwai ha dwar u blai u ba long u Governor General ba khatduh jong ka Ri India ha u Nailar 17 tarik 1948.
Ha kane ka jingiasoi ia ka soskular ki syniem khasi kim shym la soi ia ka Instrument of Merger kumba la leh da kiwei ki syiem ha ka Ri India.
Dei halor katei ka nongrim ba ka bor synshar, bihsar bad ban thawain ka dei ha ki dorbar kur dor bar raid bad ki hima, ia kane dei ban pynkylla bad dei ban pynrung ha ka riti synsahr jong ka Ri India hapoh ka article kaba 370.
Ha kane ka sngi sah kynmaw ka GCC kan pynlait paidbah ia ka shithi kaba la thoh da u myntri rangbahduh ba nyngkong jong ka Ri India sha ki Syiem u ba la bam kwai ha dwar u blei u Jawaharlal Nehru ha u snem 1947 bad ia kane ka shithi kaba la khien ba kam don shuh hynrei la lap hadienb a la GCC ka la jurip ban wad ia ka.
Dei halaor kane ka nongrim ba ki khlieh nongsynshar kane kajylla ki dawa ia ka Council kaba kyrpang kaba khlem da don ia ki seng sain pyrthei bad kane kan long ka nongsynshar kaban peit ia ki rukom synsahr katkum ki riti ki dustur.(SP News)
