Shillong, Jylliew 13: Ka myntri ba dei peit ia ki kam pynroi sor ka kong Ampareen Lyngdoh ka la kular ia ka Police Bazar Welfare Assocaition (PBWA) ba ia ka jingshna ban pyntitynnad ia ka police Bazar yn pyndep hapoh mynta u bnai.
U Rangbah shnong jong ka police Bazar u S L Singhania u la ong ba ha ka jingwan jurip lang u mytnri ka tnad PWD, ka myntri kam poh iing bad ka myntri pynroi sor ryngkat PBWA, ka liang jong ka myntri ka la ong ba ia kane ka jingtrei dei ban pyndep noh mynta u bnai jylliew.
Naka liang jong u Singhania u la ong ba ka jingtrei ka long kaba la suki sha ba palat bad ka bym da ihun ia kata ka rukom trei. Ki paidbah ba iaid ba ieng ki sakhi ia kata ka jinglong jong ka jingtrei.
U la ai nuks ka jingshna ia ki nala ka long kaba khlem ia ia hap ha ei ei ruh bad ka jingsuki ka long kaba la palat. Na ka liang jong ka PBWA ki la pynkhreh mynta ban phah biang da ka jingthoh sha ka sorkar namar ba ka jingtrei kum ba ka long mynta kan nym dep hapoh une u bnai jylliew.(SP News)
