Shillong Naiwieng 22: Ha kaba ia dei bad ka jingshah rahbor bad shah pyniap jong u wei na ki nong bylla ha Mawiong na ka liang jong ki pulit ki la kem ia san ngut ki briew na kylleng jong kane ka nongbah Shillong ha kaba la kynnoh ba ki don kti ha kane ka kam rah bor bad pyniap briew.
Kiba la shah kem ha ki pulit ki long u Bah Banker Nongkseh of Mawiong Rim, Anthony Warbah na Mawlai Nongkwar, Damanyan Skhemiew, na Mawiong Rim, Warsil Thangkhiew na Mawlai Nongkwar bad u nongniah iaka taxi u Christi Ganol Marngar.
Na ka liang jong ki pulit kila pynngat ia ki ha ki babun jaid ki mukotduma, ka kam rah bor, ka kam pynian iap briew, kam tuh kam lute bad ka kam ia shoh ia dat. La ithuh ba ar ngut na ki ba la suba ba ki ia don kti lang mynta ki dangjah ryngai.
Lah ban pynkynmaw ba ar ngut ki nongbylla kila shah rahbor na Mawiong ha kaba ia ka met jong u Prasata Deka la ioh tam na Umbir bad u wei pat u la mynsaw jur bad mynta u dang don hapdeng ka jingsumar. (SP News)
