Shillong, Nohprah 02: Ki pulit jong ka East Khasi Hills ki don ka jingkyrmen ba ki lah ban ai ia ki jingkynnoh ki jong ki halor ki 86 tylli ki mukotduma shuwa ban kut une u bnai. U SP jong ka East Khasi Hills u la ong ba ki lah ban pyndep ia ka jingthohkit haba kut une u bnai.
Kine ki mukotduma baroh yn rah hapoh jong ka iing bihsar kaba kyrpang kaba la la thaw kyrpang da ka sorkar.Kine ki 86 tylli ki mukotduma baroh ki don jingiadei bad ki kam thang iing thangsem kiba la jia ha kine ki jingiakhih ILP jong ki seng bhalang.
U Bah Kharkrang u la ong ba la shai ka sngi ki lah ban ai shuwa ia ki jingkynnoh hapoh ka iing bihsar halor ki 15 tylli ki mukotduma bad sa 15 tylli kiwei pat ki mukotduma kin sa lah ban ai ha kine ki sngi ki ban dang wan. U la ong ba haduh mynta ki la register ia ki mukotduma haduh 86 tylli.
Na ka liang jong ki pulit la ong ba la dep ban ai da ka jingthoh sha ki seng bhlang ba kin wan mih ha khmat jong ki ophisar ba tohkit ia ka kam namar ki ophisar ba tohkit ki kwah ban kylli jingkylli ia ki ha kiba bun ki jingshah kynnoh.
La ong ba ia kane ka jingkhot ha jir la ioh pdiang da kiba bun kiba ha iing jong ki nongialam seng bhalang, kumba ka long haduh mynta ym pat don u weir uh ba wan sha khmat ban ai ia ka jingkren ka jong ki, kiba bun na kine ki dei ki dkhot jong ka KSU, HNYF bad FKJGP.
Lada kine ki nongialam kim lah ban wan ha khmat jong ki ophisar ban tohkit ia kin a ka liang jong ki pulit ki lah ban pynshisha ba pynksan ia ka jingkynnoh pyrshah ia ki bad ban phah sha ka iing bishar kaba kyrpang na ka bynta bal eh ia kaba don kam.(SP News)
