pdengshakap, jymmang 23:Ka liang pyrshah hapoh ka iing dorbar thawain jong ka jylla ka seng United Democratic Party ryngkat bad ka seng BJP mynta ka sngi ki la leit ban jurip ia ka Myndu Leshka hydel Project, kawei na ki jaka pynmih bording kaba la tei ha Leishaka ha west Jaintia Hills District.
Hadien ba ka jylla Meghalaya ka la ioh iala ka jong ka jylla dei tang kane ka jaka pynmih bording ba ka la lah ban shna ha ka jinglut kaba la kot sha ka khadlai spah klur tyngka.Ia kane ka jaka pynmih bording la pyndep hapoh ka phra snem da ka MeSEB ia kaba la kylla kyrteng noh hadien kum ka MeCEL.
Ki liang pyrshah ki la kynthoh jur iakane ka project baka don ka jingpynlut phut kaba la palat liam namar kat kum ka jinpynkhreh ia kane ka project ka long tang hapoh sawspah klur tyngka.Ki liang pyrshah namar ba kim hun ia ka jingpynlut ha kaba iadei bad kane ka project mynta ka sngi ki la leit ban jurip ia kane ka jaka pynmih bording ha ka jylla.
Hadien ba la dep ban jurip ia kane ka jaka pynmih bording u Dr Jemmino Mawthoh MLA jong ka UDP u la ong ha ki nongthoh khubor ngi kum ki political partty baroh ngi shim khia hakaba iadei bad kane, bad ngi hap ban wad bniah ha kaba iadei bad ka jingpynmih ia kane ka bording, u la ogn ruh ngi hap ban wad bniah ia ki jinglut jingsep baroh kiba la pynlut hakatei ka jaka.
U bah Mawthoh u la ogn ruh ba mynta ka snig ka logn tang ka jingwan peit ia ka tei ka jaka, bad kan sa don biang hadien ka ka jingkynduh para political parties hadien bala ioh lum ia ki jingtip baroh.
Ki wei ki MLA kiba la ai poi lang ha kane ka jingleit jurip ki long u bah W Mawsor HSPDP, bah Embhah Syiemlieh UDP, ia ki la synran lang da ki MDC bad ki wei ki wei ki nongkit kam party.(SP News)
