Shillong, Jymmang 12: Ka tand Criminal Investigation Department (CID) wat la ka la dep ban kem ia u Premlal Rai Deputy Register jong ka CMJ University ban tohkit sha ei u Chancellor jong kane ka university u don hynrei haduh mynta kim pat don jingei ei ei ki dang don hapdeng ka Umdum.
Na ka liang jong ki pulit ki la pan shiphew sngi ban bat ia u Rai hapoh ka police custody na ka bynta ban tohkit hynrei na ka liang jong u Rai u la ud pang bad mynta u don hapoh Civil Hospital na ka bynta ban ioh ia ka jingsumar.
Na ka liang jong ki pulit kila thwet mynta sa ia ki ar ngut ki heh jong kane ka University u M Kaur bad ia u Juban Kharpuri, kumba ka long mynta kine ki ar ngut ki heh jong kane ka skul bah ruh ki la phet rieh ha dien ba ka iing bishar ka la kyntait ban ai anticipatory bail.
Naka liang jong ka tnad CID ka la pyngnat ia kine kine ki lai ngut ki briew kiba la phet rih hapoh ka kyndoh kaba 420, kam thok kam shukor, 466 bad hapoh ka kyndon 406 jong ka Indian Penal Code. Ki pulit kid a kwah eh ban kem ia u Chandra Mohan Jha chancellor jong ka CMJ University.
