Guwahati, Naitung 13: Wat la ka iohi ba ki don ki bynta jong ka jylla Assam ki la shah ktah ha ka jingshlei um hynrei haba shim ia ka jinghap jong u slap ha kane ka lyiru haduh u bnai Jylliew mynta u snem ka jingslap ka dang duna palat.
Ha ki snem kiba la leit noh haduh u bnai Jylliew ka jingslap ha kane ka dong shatei la mih ngi jong ka Ri India ka la dei ban bun hynrei mynta ka duna . Kumba ka long ka jylla Assam mynta u snem ka ioh ia ka jingduna slap da 25% kane ka long katkum ka report jong ka Regional Meteorological centre, Guwahati.
Ka jingduna slap ha ka jylla Assam mynta u snem ka long 37%, kiwei ki jylla jong ka dong shatei lam mih ngi jong ka Ri India ki ioh duna slap mynta u snem haba ia nujor bad u snem ba la dep.
Da kaba shim kyllum na ka jinghap jong u slap ha u snem ba la dep bad mynta u snem 2013 ka jinghap slap mynta u snem ka la duna palat la ong u Sanjay Anil shaw, Director, Regional Meteorological centre, Guwahati.(SP News)
