Nongstoin, Naitung 03: Ki dkhot ka seng lehnoh GNLA ha ka miet ar tarik mynta u bnai ha ka por kumba 10.15 PM mynmeit ki la leit hiar tham ia ka jaka sah jong ki nongtrei ka BSC Road Company kaba pyntrei ia ka surok ha katei ka thain.
Na ka liang jong ki pulit kiba don ha katei ka jaka ki la ther kuli kylla bad ka jingiasiat ka la neh kumba katt0 katne por ha kane ka jingiasait ym shym don ba mynsaw la ka dei na ka liang jong ki pulit ne na ka liangjong ki seng lehnoh.
Na ka liang jong u heh pulit jong ka West Khasi Hills u bah Silvestar Nongtynger u la ong ba mynta ka sngi la phah pulit shuh shuh sha Shallang na ka bynta ban pynkyllong ia ka jingkhynra ia ki lehnoh GNLA kiba don ha katei ka jaka.
Lah ban pynkynmaw ba ki lehnoh GNLA haba sdang mynta u snem ki la leit ban ther kuli ia kane ka juh ka jaka hynrei da ka jingdon jong ki pulit ki la lah ban iada ia kane ka jaka bad kane ka jingleit ther kuli jong ki GNLA ka dei ka sien kaba ar.(SP News)
