Shillong, Jymmang 15: Ka jingialang jong ki heh shipai suin ba shisien shi snem jong ka Eastern Air Command ka la long mynta ka sngi ha Shillong, ha kaba u khlieh duh jong ki shipai suin U Air Chief Marshal NAK Browne u la wan ban plie ia kane ka jingialang.
Ha ka jingkren ka jong u ha kane ka jingialang u la kren ia shibun kiba ia dei bad ki kam iada Ri ha kaba ki shipai suin ki long kiba kngsan haduh katta katta ha kane ka juk kaba mynta. Ha kane ka jingkren ka jong u la kdew kyrpang ha kaba dei bad ka jinglong jingman jong ka dong shatei lam mih ngi jong ka Ri India.
Ki shipai suin jong ka Ri India mynta ki long kiba la pynkhreh ha ki liang baroh kiba katkum kane ka juk kaba mynta bad ka jingkillan met kaba dang shudep shen ia kaba la tip kum ka “Fist’ and ‘Live Wire” ka la kren shai ia ka jinglah ka jong ki ha ki liang baroh.U la kyntu ia ki shipai suin ba kin long ki briew kiba bat ia ka displine.
Haka por ba u poi ha katei ka kad lieng suin ha Upper Shillong la pdiang burom ia u da u Air Marshal RK Sharma AVSM VM Air u Commanding-in-Chief ka Eastern Air Command.(SP News)
