Shillong, Naitung 14: ha dien ka jingiahsong pyrkhat kaba lai sngi lynter ka National Council Churches India (NCCI) kila shim ia ka rai ban khot ia baroh ki MP kiba dei ki Tribal bad ki Advasi ban ia kren bad ki ban pynsngewthuh ia ki ha kaba ia dei bad ka jingeh jong ki rit paid ha kane ka Ri India.
Ka NCCI kan sap hah sha ka sorkar pdeng ia ka jingthoh ban dawa ba dei ban pynduh noh ia ka schedule kaba V bad ban buh tang ia ka Sixth Schedule khnang ba baroh ki rit paid ha kane ka Ri India kin ioh ia ka juh ka jingiada kaba kyrpang kumba ka long mynta ia ki rit paid ha kane ka Ri India la phiah ha ki ar bynta.
Ka sorkar ka dei ban ithuh iaki rit paid ha kane ka Ri India kum ki trai muluk trai jaka kumba la pynbna da ka United Nation. Haba ia dei bad ki kam pynroi ka sorkar ka dei ban da peit bha ha kaba tei ia ki kam pynroi khlem da ktah ia ka jinglong trai jong ki rit paid.
Ha kajuh ka por ki jaid baling baroh ki dei ban buh ia ka Legal Cell kaban ia da kyrpang ia ki hok jong ki rit paid, ha ka juh ka por ka NCCI kan pynlong ia ka jingialang jong ki 14 tylli ki jong jong ka Ri India ban ia kren ban ia kren ia ka jingeh kajong ki.
Kine jylla ki kynthup ia ka Andhra Pradesh, Arunachal Pradesh, Assam, Chhatishgarh, Jharkhand, Madhya Pradesh, Maharashtra, Manipur, Meghalaya, Mizoram, Nagaland, Odisha, Sikkim, and Tripura ban peit ba ha kine ki jylla kam dei ban mih kano kano ka jingiasngewpher jaid ne kynja. Ha ka juh ka por kin bu dien ia ki kam pynroi kaba ka sorkar ka pyntrei na ka bynta ki rit paid ha kane ka Ri India.(SP News)
