Shillong, Lber 30: U Bah Robert Kharshiing MP barim jong ka jylla ba dei jong ka Rajya Sabha u la ai da ka jingujor sha ka iing bishar kaba ha khliedhuh jong ka Ri India halor ka jingshah leh beijot jong kawei ka khynnah Garo kaba dang 16 snem ha ka 13 tarik jong u bnai Nohprah 2012 ha wah Singsang ha ki 17 ngut ki briew katba dang wan phai na ka jingle kmen.
Ia kane ka PIL u bah Robert u la ai sha u nongbishar rangbah duh jong ka iing bishar u ba ha khleihduh Chief Justice, Altamas Kabir ia kane ka PIL la phah kotpi ruh sha ka president jong ka Ri India. Naka liang jong u Bah Robert u kyrpad iaka iing bishar kaba ha khliehduh ba kan peitlem ia kane ka kam.
Ha kane ka PIL u Bah Robert u la pyntip ba ki briew kiba leh ia katei ka kam ki dei kiba ia don bynta lang bad ki heh ki hain dei na kane ka daw ba ka sorkar kam lah ban leh ei ei bad ym tang kata kiba ha iing jong kane ka khynnah ruh ki shah byrengem ha ki lehnoh, u la ong .
Ka jingshah lehbein jong kane ka khynnah kam dei tang kata wat ki doctor kiba don ha Williamnagar ki kyntait ban sumar ia ka ha ka por ba kane ka jingjia ka jia kane kalong kumba ka paw na ka jingkren jong kane kane ka khynnah kaba sha leh beijot.(SP News)
