Shillong, Risaw 09: Ka Kong Agnes Kharshiing president jong ka CSWO ka la ong ba kam don kano kano ka jingsngew phylla ha kaba ia dei bad ka kaiphot ha kaba ia dei bad ka “Shillong Jail Break” ha kaba ia ka kaiphot la buh mynta la khyndai bnai. Na ka liang jong ka seng kan leit sha iing bisahr ban pan ia ka jingphah tohkit da ka CBI ban lap ia ki jingshisha baroh.
Ka Kong Agnes ka la ong ba ha ka kaiphot kaba ka seng ka la ioh la lap ba ka don ka jingdkoh ha ka rukom ai ia ka kaiphot namar ba u Ramu Thapa u ba la phet lang bad u Fullmoon ym shym don ha ka kaiphot, katba ka kyrteng jong u Kiewborlang Skembil u bym pat don ha phatok ha katei ka por u la mih kyrteng.
Na ka liang jong ka CSWO ka ong ba kaiphot kaba ki la ioh ia kaba la tohkit da u nongbishar u ba la shong thait u ba la bam kwai ha dwar jong u blei Hon’ble (L) Retd Justice Rajkhowa u la pyndep ia ka jingthohkit.
Na ka liang jong ka CSWO ka kynnoh ba kane ka jingpynjah klep ia ki kyrteng briew kum ka jong u Bah PR Kyndiah MP barim ka Shillong ka long kaei kaei kaba sngew phylla. Nalor kata wat kit air siat kiba la ioh kurup na katei ka jaka ia siat ha kaba u Fullmoon u la iap.
Na ka liang jong ka CSWO kan leit ban mudui sha iing bishar ban pan ia ka jingtohkit da ka CBI ha kaba ia dei bad kane ka kam ban lap ia ki jingshisha baroh bad kiba don kti ki dei ban ngat ha ka ain.(SP News)
