Shillong, Iaiong 08: Mynta ka sngi ha ka por shiteng sngi ki khynnah skul jong ka St Margereth kaba don ha Laitumkhrah kumba 29 ngut ki la hap ha ki mawbarebda bad na kine 11 ngut la sumar ha Nazareth Hospital bad na pdeng kine saw ngut ki don ha Intensive Care Unit.
Ka Principal jong katei ka skul haba kren ha ki nongthoh khubor mynta ka sngi ka la iathuh ba kane ka la jia ha ka por ba ki lait shiteng skul kumba juh long man ka sngi, hynrei ha kane ka por ba jia kumne kawei na ki khynnah skul kaba iaid na dien ka la ur bad kiba la iaid sha khmat ki khlem lap ba kynriah bad kane ka la wanrah ia ka jingmynsaw jong kiba bun.
Kine kiba mynsaw ki kynthup ia ki khynnah skul kiba hap hapo jong ka Class II, Class III bad Class IV. Na ka liang jong ka skul ka la pynkit ia mar mar sha Nazareth Hospital ban ioh ia ka jingsumar.(SP News)
