Shillong, Lber 04: Ka long kaei kaei kaba ym juh jia koit, ha kaba ka ophis jong ka Legislative jong ka KHADC ka la pynbakla ia ka jingpynsmai ia ki MDC jong ka iing dorbar kiba la shim smai mynta ka sngi.
Ha ka jaka ban thoh “Elected” la thoh pynban “ Nominated” da kane ka jingbakla na ka liang jong u Deputy Commissioner jong ka East Khaswi Hills u ba la shah thung ha u Lat ka jylla ban pyndep ia kane ka kam u la hap ban pynsmai ar sien ia ki MDC ha KHADC mynta ka sngi.
Na ki 29 ngut ki MDC kiba la jied da u paidbah kiba la poi sha iing dorbar ban shim ia ka jingsmai ka jong ki ba kin long ki nongmih khmat paidbah kiba pura ki long 28 ngut, u ba pep dei tang u ban Sanbor Shullai ym shym la lah ban poi na ka daw jong ka jingshistom ka jong u.
Ha kane ka sngi na ka liang jong u Deputy Commissioner jong ka East Khasi Hills u la pynbna hapoh ka iing dorbar ruh ba ka election ban jied ia u Chairman jong ka ing dorbar kan long ha ka 6 tarik mynta u bnai bad ka jingthep kyrteng na ka bynta kane ka election kan long la shai ka sngi hapoh ka 12 baje.(SP News)
