Khliehriat, Nohprah 23: Wat hapdeng ka jingkhriat jong ka tlang ki paidbah jong ka shnong khliehrait ki la ia kem ha ka tamsa ka tem ka pud kaba la long ha katei ka jaka. Ia kane ka jingleh kmen la pynlong da ka East jaintia hills district Arts and culture society.
Ka jingthmu ban pynlong ia kane ka tmasa ka long ban pynshlur ha ki kam jngohkai pyrthei ha katei ka thain. Ha ka jingkren jong u Deputy Commissioner Abhishekh Chandra u la ong ba kum kane ka jingleh kmen kan ailad ia ki samla kane ka thain ba kin pynpaw ia ka sap ka phong ka jong ki.
Wat la ka jylla ka don shibun ia ki briew kiba don ia ka sap ka phong ka ka put ka tem hynrei kaba sngewsih ka long ba ym shym la don ba btin lynti ia ki ba kin kiew ha kane ka liang. La ong ba na ka liang jong ka sorkar ka wad ia ki lad ki lynti kumno ban kyntiew ia ki samla kiba don sap.
Ki nongtem nongpud kiba la pynshongshit ia katei ka tamsa kiba dei na katei ka thain ki long ka Gracyl ropmay, Merlvin mukhim, Christopher Kurbah, Ram Suchiang, Felix, the band Colours bad ka Strait Brothers. (SP News)
