Shillong, Iaiong 03: U Lat jong ka jylla u R S Mooshahary ha ka jingiashim bynta ka jong mynta ka sngi ha ka jingle niam u khun khasi khara ha Baniun kaba la tip kum ka Nguh ka dem ki trai ri trai mulul ia kaba la pynlong man u snem da ka sengbah ki nongshat nongkhein hynniewtrep hynniewskum ha Baniun u la ong ba hapdeng kane ka jingiabeh hapdeng ka saian bad ka jingeit tynrai.
Na ka liang jong u Lat u la ong ba ka long kaei kaei kaba I tynnad ban iohi ba kane ka jinglehniam ka long ka jingleh kaba ia shah ia kiwei ki ruh jaid niam. Kum ka jaid bynriew kaba don ia la ka jong ka jingle niam don kam ban pynneh pynsah ia ka.
Ha kane ka sngi u Deputy Commisioner jong ka East Khasi Hills u Sanjay Goyal u la pynlait paidbah ia ka CD kaba la ai kyrteng “ Ki thied ki phniang ban in ka ri” ia kaba la pynmih da ki khun samla ka sengbah ki nongshad nongkhein.
Ki riew rangbah kiba la ia donlang ha katei ka sngi ki long u Bah RV Lyngdoh MLA jong katei ka jaka. U Bah K. C. Khyriem, Parliamentary Secretary ka tnad Arts and Culture, U Bah K. Nongrum bad u Bah J. Hynniewta, President and Secretary of ka Sengbah ki Nongshat Nongkhein Hynniew Skum Hynniew Trep respectively, ryngkat ki hajngar ngut ki paidbah ki ba ia don lang ha kane ka sngi.(SP News)
