Shillong, Jylliew 11: Ki paidbah nongshong shnong jong ka Jaintia Hills kiba don ha ki jaka ba tih dewiong ki shong hapdeng ka jingsyier bad ka jingrit mynsiem na ka d
aw ba ki la bun palat ki briew kiba dawa pisa bad rah bor ia ki briew na katei ka thain.
U General Secretary jong ka Jaintia Hills Coal Miners and Dealers Association (JHCMDA) u la ong ba ki paidbah nongleit nongwan kila shong ha ka jingsyier namar ba ki lajyllei palat ki nongdawa pisa bad ki nongrah bor ka iew Umplang kaba long man ka sngi.
Kane ka iew kaba juhlong man ka sngi la hap ban khang noh tang hapoh saw baje bad kiba bun kin treh shuh ruh ban pli ia ka dukan jong ki na ka daw jong ka jingshah dawa pisa ha ki riew sniew.
Naka liang ki shnong kiba don sawdong jong ka Umpleng mynta ki la buh ia ki VDP palat spah ngut ha ka shisngi ban pahara ia kane ka thain ryngkat ki pulit.
Na ka liang jong ki pulit kiba don kane ka jaka ki la trei la kakam hynrei na ka daw jong ka jingduna palat jong ki pulit kim shym la lah ban the la kam iaki kam sniew.
Naka liang jong ka JHCMDA ka la dep thoh sha ka sorkar hynrei haduh mynta kim shym la iohi dak I shim ei ei ba ka sorkar kan phah pulit shuh sha katei ka jaka ban ia da ia ki paidbah na ka jingshah dawa bad shah byrngem ha ki riew sniew.(SP News)
