Shillong, Nailur 16: Ki briew kiba ym lah ban tip mynta ka sngi ha ka por kum
ba 11.00 baje mynstep ki la thang ia u Bisses Das hapoh dukan sha jong u kaba don ha Bishnapur. Ia u Das la kit wut wut sha Woodland Hospital ban ioh ia ka jingsumar.
U wei na ki pulit ba don ha katei ka jaka ba ia synran lang ia u IO ban tohkit ia kane ka jia la iathuh ha u SP News Agency ba ki la ioh ia kane ka jingtip ha ka por 11.25 baje mynstep mar ia ioh ia kane ka jingtip kila wan beh wut wut bad mynta kid ang pynlong ia ka jingthohkit.
Na ka daw jong ka jingjur palat ka jingmynsaw kim shym la ioh ban kren ia u bad la kit sha hospital ban phah sumar. Ki pulit ki la lum ia ki tiar na kane ka jaka ban pynlong ia ka jingthoh kit.
U Jubeses Das hynmen jong u Bisses haba kren ha u SP News Agency u la ong ba ha kane ka por ba jai u don sha iewduh ban leit thied jhur bad mar ia ioh ia kane ka jingtip u la wan mareh bad la ong ba ki briew kiba leh ia kane ka kam ki don ar ngut.
La ong ba ha katei ka por kiba wan ki la pan mithai bad kat ba u dang phai da dien kita ki briew ki la the ia u da ka petrol bad la thang ia u u ha ka jaka shong ba lum pisa. La ong ba ia kane ka dukan ki iai pyniaid lang baroh ar ngut shipara.(SP News)
