Shillong Nailur 13: Ha dien ba la kut lai sngi ka jingsngeh leit hikai skul, ki 
dkhot jong ka JACATAM ki la ia kynduh mynta ka sngi ha kaba ki la shim ia ka rai ba kin aid a ka jingthoh sha u myntri rangbah ka jylla u Dr Mukul Sangma ban ia kren ia kane ka jingeh jong ki bad kin ai por ia u haduh ka 23 tarik mynta u bnai ba un khot ia ka jingiakren.
Haba kren ha ki nognthoh khubor ha dien ka jingialang na ka liang jong u Chairman ka JACATAM u Bah ED Nongsiang u la ong ba lada ka sorkar kam khot ia kren hapoh katei ka tarik kin leit ban tur sha secretariat da kaba ia iaid paidbah bad kan but sha ka jingsngeh leit hikai kaba khlem buh por.
Na ka liang jong ka JACATAM kin kwah ban leit ia kynduh ia u myntri ka tnad pule puthi u Dr RC Laloo namar ki la ap mynta la shisnem shiteng hynrei ym shym la leh ei ei ban khot ia kren ia ki dkhot jong ka seng lane ban ai ia ki jingdawa ka jong ki. Ha kane ka kynti kaba mynta ki kwah beit ban ia kynduh ia u myntri rangbah kajylla ban ia kren.
Ha kane ka jingiakhih jong ki nonghikai na ka liang jong ki seng bhalang ruh ki la ai ia ka jingkyrshah ia ki kum ka seng HNYF, SSSS, KSU, bad ka West Khasi Hill Headman For Peace and Development.
Ki nong hikai ki kyrpad ruh iaki kmie ki kpa ba kin iai shah , namar ba lada ka sorkar kam lah ban pynbiang iaki kim lah ban kyntiew iaka khynnah kida kwah eh ba kasorkar kan pynbiang iaki jing siew iaki.(S.P News)
