New Delhi, Nailar 26: Ka National Food Security Ordinance, 2013, kaba la pynbna da ka sorkar pdeng kan pynioh ia u khaw tador sha ki paidbah nongshnong haduh 75% ha ki nongkyndong bad 50% ha ki jaka sor.
Katba kito ki long iing kiba dei ha ka thup Antyodaya Anna Yojana kin ioh ia u khaw u khaw u ba 35 kilo man ka thiew iing. Ban pyntrei kam ia kane ka sorkar kan don kam ban thied khaw haduh 614.3 lak tone ha ka shi snem.
Ia kane ka jingtip la ai da u myntri ba dei peit ia ka tnad sam bam jong ka sorkar pdeng hapoh Rajya Sabha mynta ka sngi da ka jingthoh, u Prof. K.V. Thomas. U myntri u la ong ba katkum ka dei ka ordinance ka la dep mang ruh ia ka bha katkum ki jylla.
Ka jingjied ia ki briew ban rung ha katei ka thup mano ban ioh ia kane ka jingmyntoi ka shong ha ka sorkar jylla. Haba shim tang ia ka jylla Meghalaya na katei ka jingthoh kaba la ai da u myntri ka sorkar pdeng 77.79% na ka bynta ki nongkyndong bad 50.87% ha ki jaka sor ong ka khubor na ka pib.(SP News)
