Shillong, Naiwieng 05: Ka tnad pulit ba dei peit ia ka jingpyniaid ia ki kali ha kane ka nongbah Shillong ka la trei shitom na ka por sha ka por bad ka la wad ki lad ki lynti ban pyniaid beit ia ka jingiaid jong ki kali ha kane ka nongbah Shillong ban lait ka jingsah kut kali bad kane ka sien kaba ki pyndait da ki khnap ia ki kali ba ieng khlem a kor ka la pynkyndit ia ki paidbah.
Bun na ki paidbah ha kine ki sngi ki la sdang ban ia kren ia kane ka jingialeh kaba thymmai jong ki pulit, hynrei ka mih ka jingkylli hato ki nud ban pyndait khnap ia ki kali light saw kiba ing pathar kat sah ba ki sngewbit, bun na ki nongnaih kali kamai kila pynsngew ba lada ki pulit ki trei tyngeh khlem da niew iano iano ruh dei ban pynshitom katkum ain ki riew paidbah lei ki la beit hi toin ban but ia kaba don kam.
Haba ia dei bad ka jingsahkut kali ha ki thain khyndai lad la ong ba ka dei ka jingailad jong ki pulit ban iaid bun tylli ki lain na ka liang ba kiew bad ba hiar, ha kane ka jingiaid bun lain ka mih ka jingiatynrah bpara nongniah bad ka wanrah ia ka jingsah kut kali. La ong ruh ba ki pulit ki dei ban peit ba kim dei ban shah ba ki kali kin phai na khmat jong ka Guwahti High Cout barim.
Bun na kiba la kren ha u SP News Agency ki la pynpaw ia ka jingsngewkmen ia kane ka jingleh jong ki pulit namar ba bun na ki kali kiba ieng khlem akor ha ki rud surok dei ki kali jong ki riew shimet ha kaba bun sien ki pulit ki sa lia ban kren ei ei hynrei kane ka jingpyndait khnap ka la pyni ba ki pulit ki la leh shisha ia la ka kam.(SP News)
