Shillong, Naiwieng 03: U bah Prestone Tynsong myntri ka tnad khlaw bad kiwei kiwei jong ka sorkar Meghalaya u la buh ka jingkylli hato ka dei ka kamrunar ban kyrpad, kane ka long halor ka jingmih ka kyrteng ha kajingtohkit jong ka Central Bureau of Investigation (CBI) ha kaba ia dei bad ka kam thung nonghikai.
U Bah Prestone u la ong ba ka jingkyrpad kajuh wan na ki nongmih khmat haba ki briew ki leit ban ud sha ki, hynrei ka long tang ka jingkyrpad ka shong ha ki ba dei ban peit ia ka kam la ki pdiang ne em. U la ong shai ba “ Ngam shym pynbor”.
Haba ia dei bad ka jingkynnoh jong ka seng HSPDP ba u dei u agent jongno re jongno na ka liang jong u Bah prestone u la ong ba “ Nga dei u Khasi” nga sngewthuh ia ka jingeh kaba mih na kane ka rukom bat khyndew. U la ong ba bun na ki skhim jong ka sorkar ki la shu pulom tang namar ba kim ai jaka ki trai khyndew.
U la ai nuksa ha Nongkwai, ia ka skhim shna surok PMGSY la hap ban pyndam noh namar ba ym treh ba ai jaka tang u wei u briew ha kaba ka shnong ka hap ban jynjar. U al ong ba kum kine ki don bun ki byllai ha kaba ka sorkar kam lah ban ai jingkhein sha ka sorkar pdeng.
Na ka liang jong u bah Prestone u la kyntu ia ka HSPDP ba kam pynbeit ia kane ka jingeh khnang ba ka sorkar kan lah ban wanrah ia ki kam pynroi sha ki paidbah jong ka jylla kiba don kam ia ki kam pynroi. Ka sorkar ka imsngi ban wanrah ia ki kam pynroi ha ka jylla.(SP News)
