Shillong, Naiwieng 01: U myntri rangbah ka jylla u Dr Mukul Sangma haba kren halor ka jinglong 
bala kloi jong ki seng bhalang ba kin wan sha ka jingiakren bad ka sorkar, u la ong “ ngi haba ban da peit bniah ia kane mano ba ong ia kata hato kane ka wan na ki baroh, kane ka dei ka bynta ba hap ban da peit bniah”.
Haba ia dei bad ka bill jong ka KHADC kaba la pynkhreh mynta kumno ban pyniaid beit ia ki shnong ki thaw, u myntri rangbah u la ong ba ai kin ia ia kren bad ba kin ia tai sani bad ynda ka la poi sha ka sorkar yn sa ia bihsar lang laka long ha kano kano ka rukom na ka bynta ka jingbha.
Na ka liang jong ka sorkar mynta ka la pynkhreh ia kane ka bill ban wad ki lad ki lynti kumno ban iada na ka jingwan tuid jong ki briew kiba na bar, kane ka dei ka por ia ki paidbah ba kin wan sha khmat ban wan ai jingmud sha ka sorkar na ka bynta kaba bha tam.
Ki seng bhalang kiba la ia khih na ka bytna kane ka phang ban iada na ka jingwan tuid jong ki briew kiba na bar, ki dei ban wan sha khmat ban ai jingmud bad ka sorkar ka kwah ban iohi ia ka jinglong sngur jingmud ka jong ki bad kane ka dei ka por ba kin pynpaw ia kata da kaba sangeh noh ia baroh ki jingiakhih ka jong ki.
Ha ki snem kiba la dep haba don ki jingiakhih na ka liang jong ki seng bhalang haba ki pynlong ia ki jingiakhih ki shim ia ka ain ha la ka jong ka kti jong ki bad kine kiei kiei ki dei ki jignjia ha ki por ba la leit noh, hyrnei mynta ki dei ban pyrkhat bad lada ki don kata ka jingmud kaba shai ban ia kren bad ka sorkar ki dei ban sangeh shuwa ia ki jingiakhih jong ki baroh.(SP News)
