Shillong,Jylliew 12: Shi sngi ha dien ka jingialang paidbah kaba la long ha Diengphatsoh haba ia dei bad ka jingpyrshah ia ka jingthmu jong ka sorkar ban thied jaka shuh na ka bynta ka New Shillong Township (NST) na kaliang jong ka myntri sorkar ka la ong ba ka sorkar ka long kaba la kloi ban pdiang ia ki jingeh jong ki paidbah.
Ha ka tei ka jingialang na ka liang jong ki 20 tylli ki shnong bad ki seng bhalang ki la ai por ia ka sorkar ba ka dei ban ai da ka jingthoh ba kan sangeh noh ia kane ka jingthmu ban shim jaka jong ka sorkar.
Naka liang jong ka Kong Ampareen lyngdoh ka la ong ba ka sorkar kam da kyrkieh ban shim jaka hynrei ha ka juh ka por ka sorkar ka kwah ban pynlait ia ka jingkhapngiah jong kane ka nongbah Shillong.
Haba ia dei bad ka jingshim jaka na ka liang jong ka sorkar ka la dep ban shna ia ka map bad ia ki jaka rep la pynlait bd ka sorkar kan nym leh kano kano ka kam ka ban long pyrshah ia ki paidbah nongshong shnong.
Ka myntri ka la ong ba ki liang pyrshah ki ialeh tang kumno ban khanglad ia ka jingthmu jong ka sorkar ha kaba ia dei bad ki kam pynroi ha kane ka jylla, ka mintri kala buh ka jingkylli hato ki briew na katei ka thian ki sngewkhia iaken ne don kiba shuh pynbor ia ki da ki katto katne ki kynhun.(SP News)
