Hato u Bah SD Khongwir u la don bad ka seng Congress?

Shillong, Nohprah 25:  Sa tang ar bnai ka jylla kan sa leit sha ka Election ban jied ia ki nongmih khmat kiba thymmai, hynrei ka seng United Democratic Party pat mynta kadonhapdeng ka jingeh ha kaba u wei na ki nongialam ba ha khmat jong ka seng u la ialeh pyrshah ia ka seng kaba u la ong u nongseng.

Ka hamsaia mynta ka iaid ba u Bah SD Khongwir nongialam jong ka seng UDP mynta u ap sa tang ia ka por ban leit pyniasoh ia lade bad ka seng Congress, ong ki thymmai khubor. Ka daw ka long ba ka UDP kam shym la lah ban trei na ka bynta jong u paidbah.

Kane ka long ka sien kaba nyngkong ba u tei u nongialam jong ka seng u la pynpaw paidbah ba wat la u don u kyrtong jong ka UDP na ka Mawlai constituency hynrei un kyrshan ia u MLA jong ka seng Congress u bah Founder Strong Cajee.

Na ka liang jong ka UDP khamtam eh u working president jong ka seng u Bah Paul Lyngodh u la pynpaw ba kane ka jingleh jong u Bah Khongwir kala pynbitar ia ki nongialam jong ka seng namar ka long pyrshah ia ka seng namar ba don u kyrtong jong ka party kum u briew jong ka party U dei ban kyrshan ia u kyrtong jong ka seng.(SP News)