Shillong, Nohprah 29: Ia ka bynta ba shathie jong ka jylla Meghalaya l
a tip kum ka thain Ri war bad kane ka thain ka dei ka jaka jong u soh u pai, naduh ki por hyndai bad la juh tip ia ka nam u soh Sohra.
Katba dang mih ki sngi bad ki snem, kane ka kam rep soh niamtra ha kine ki thain ka la dang hiar dang hiar na ka daw jong ka jingiap tram jong ki dieng soh na ka daw jong ka jingbam khniang.
Ki nongrep kiba rep ia u soh niamtra, naduh ki thain war Daki ter ter sha duh ki thain Ranikor ki ia kynduh ia ka juh ka jingeh ha kaba ia dei bad ka jingbam khniang ia kine ki dieng soh ki nongrep ki lynga bad sngewsuh jingkyrmen ha kaba ia dei bad ka kam rep soh niamtra.
Kumba ka long mynta, hapoh kane jylla Meghalaya ka don ka ICAR ka dei ka jaka wad bniah ia ka rep ka riang ha kane ka jylla Meghalaya, ka sorkar Meghalaya kala thaw ia ka Horticulture department kaba dei peit tang ia ka rep soh.
Hynrei kumba ka long mynta kine ki ar tylli kit and sorkar kiba dei peit ia ka rep ka riang kim shym la lah ban leh ei ei ban iada ne ban ai ka jinghikai kaba bniah ia ki nongrep kumno ba kin leh ha ka ban iada na kane ka jingbam khniang ia ki dieng soh niamtra.(SP News)
