Shillong, Risaw 30: Ki paidbah jong ka thain Dawki mynta ka sngi ha ka por kumba 10 baje mynstep ki la iohi ba ka don ka helicopter kaba her ha suin ha katei ka thain naduh Dawli ter ter sha Nongtalang bad sha bangladesh kane ka jingher ka la neh kumba shiphew minit ei ei.
Katkum ka jingthuh jong ki briew na katei ka thain khadppud bad ka Bangladesh kaba hap hapoh jong ka West Jaitnia Hills ki la iathuh ba kane ka helicopter ka la her kham sha poh haduh ba lah ban iohi ia ki briew kiba don ha helicopter ba ki shon dur ia kawah Umngot bad ia ki bynta ba ka her kum ki thain Nongtalang bad ia ki bynta jong ka Bangladesh.
U Bah M Ryngksai rangbah shnong ka Dawki u la ong ba kane ka jingher kane ka helicopter ka la pynlyngoh ia ki briew kiba don ha katei ka thain ia kane ka rukom shon dur na suin.
Haba u SP News Agency u la wad jingtip na ka lad pathai khubor jong ka tnad shipai la ong ba kim shym don kano kano ka jingtip ba kan don ka jingwan her katei ka helicopter na Bangladesh, la ong ba ka lah ban dei kaba na India hi. (SP News)
