Shillong, Nohprah 02: Ka Kong Agnes Kharshiing president jong ka CSWO mynta k
a sngi ka la pynshai ia ka nongrim ba balei ka seng ka weng noh na ka jingiakhih ILP, ka la ong ba ki la don ki la her ki khana hamsaia ba ki la shah thied ha kane ka jingiakhih ILP, na ka liang jong ka president jong ka CSWO ka la pynshai ba kine ki jingkynnoh baroh ki long kiba khlem nongrim bad kiba lamler.
“ Ngi kum ka seng ngi la shim ia ka rqai ban ia khun pyrshah ia kane ka sorkar bamsap ka la kynnoh bad ka la ong ba kin shim ki lad ki lynti kiba tyngeh na ka bynta ka jing myntoi jong ki paidbah” la ong ka kong Agnes.
Ka kong Agnes ka la ong ba ki don ki kynhun kiba kwah ban shim kabu ha kane ka jingiakhih ILP ban rah ia ka jingsngew jong ki paidbah bad ia ka jingdawa kaba dei hok ha ka jong ki oaidbah.
Ka jingweng noh jong ka CSWO ka long ba ki don ki kynhun kiba kwah ban pynklumar ia kane ka jingialeh ha kaba dawa ia ka ILP, kaba la wanrah ia ka jingduh ha ka jingim briew bad ki iing ki sem.
Ka CSWO kala kynnoh pyrshah ha ka jingkren ha ki nongthoh khubor ba kiba pynklumar shong dei kito ki nongknieh jaka jubor dei maki kiba la leh ia kine kiei kiei baroh ka kong Agnes ka la ong ba ka la don ka jingpyrshang ha ka jingialang kaba la long ha ka sngi saitjian ban pynklumar bad dup ioh ban wanrah ia ka Carfew bad ban kem ia ki nongialam jong ki seng bhalang bad pynngad hapoh ka MPDA.
Ka kong Agnes ka la ong ba ka jingiakhih ka jong ki ka long na ka bynt ajong ki paidbah kiba duk ba rangli bad ban pynneh pynsah ia ka hok long briew man briew kumta ka seng kam kwah ba kin shu long ‘lang knie na ka bynta ka jingleh jong kiwei.(SP News)
