Shillong, Iaiong 20: Ka National Disaster Respond Force na Guwahati mynta ka sngi da ka jigniatreilang bad ka dorbar shnong Mawkhar ka la pynlong ia ka jingai jinghikai kumno ban iada ia lade bad ban iarap ia ki para marjan lada ka don kano kano ka jinglynshop jong ka Mariang.
U Commandant IBNNDRF(BSF) Randhir Kumar u la iathuh ba ha ka Ri India baroh kawei ki don khatar tylli ki National Disaster Respond Force station bad kane ka dei kawei na ki kaba donha Guwahati. Ka kam jong ka ka long ban hikai ia ki nongshong shnong ba kumno ban leh lada jia ba ka mih ka jingpynjulor ha ka mariang.
Ia kane ka jinghikai la ai ha phyllaw jong ka skul St Dominic ha Mawkhar ha kaba ki paidbah nongshong shnong jong ka thain mawkhar bad ki shong sawdong jong ki la ia shim bynta lang ha ryngkat ki khynnah skul.
Ha ka jingkren jong u Kumar u la ong ba lada jia ba ka don kano kano ka jingmynsaw ka jingai jingiada ia u briew ka long kaba kor dor bad lada lah ban leh ka long ba la iada ia ka jingim jong u briew mar shiteng bad ka kam jong ki doctor ka long ban pynkoit.
U rangbah shnong jong ka Mwkhar u Bah WHD Syngkon u la ai khublei kyrpang ia kane ka Unit kaba la wan na Guwahahti ban ai jinghikai, katba u phadar Richard Majaw u la pdiang sngewbha ia ki ha kaba ia dei bad kane ka jingwan jong ki ban pynia ia ki paidbah kumno ban leh ha ka por ba jia kano kano ka jingjia ba sngewsih na ka mariang.(SP News)
