Guwahati, Iaiong 21: Ka seng lehnoh ULFA jong ka jylla Assam ka la hokum ia baroh ki nongrwai ba kim dei ban rwai ia ki jingrwai hindi ha kane ka jingle kmen Bihu kaba la neh shi taiew linter.
Na pdeng ki nongrwai kiba pawnam baroh kiba la shah byrngem haka ULFA na pdeng ki nongrwai na katei ka jylla Assam u dei u Zubin Garg, ha kaba ym shym la pynsngap ia katei ka hukum jong ka seng lehnoh bad u la iai bteng ban rwai ia ki jingrwai hindi kiba u la shna thaw hi.
Une u nongrwai u la ong ba “Nga la don ha kane ka kam mynta la 20 snem mano ba lah ban khang ia nga ia kaei ban rwai bad ia kaei ban nym rwai, kane ka jingkhang jong ka seng lehnoh ULFA ka pyrshah ia ka jinglait luid jong u ne ka briew ban pynsngew ia kaei kaba u don.
Na ka liang jong u myntri rangbah ka jylla Asssam u Tarun Gogoi u la kyntu ia ki paidbah jong ka jylla ba kim dei ban sngap ia kane ka jingpynting khoh tympan jong ka seng lehnoh ULFA kaba la juh byrngem na ka por sha ka por.(SP News)
