Shillong, Jylliew 09:U Deputy Commissioner jong ka West Jiantia Hills District u la pynjari iaka kyndon 144 CrPC ha baroh ki jaka tih Mawshun ha baroh kawei kaba hap hapoh jong ka Amlarem Cicil Sub Division.
Ki daw kiba la aid a u Deputy Commissioner jong ka West Jiantia Hills District ha kaba pynjari ia kane ka kyndon 144 CrPC ban khang ia kine ki jaka tih Mawshun ka long ba baroh ki jingtih mawshun ka long beain namar ba ki khlem ioh kano kano ka jingbit na ki bor ba dei peit. Kane ka la wanrah ruh ia ka jingduh jong ka surok bah 40 (E). Ka jingpyndon kam ia ki jingpynbethei dynamite ruh ka la long kaba la palat.
Kane ka jingpynbethei dynamite ka long ruh ka jingma ia kiba iaid ba ieng bad na ka liang jong u Sub-Divisional Officer (Civil) ruh u la dep ai ia ka jingujor ka jong u ha kaba ia dei bad kane ha kaba ka la don ruh ka jingtohkit.
Ia kane ka juh ka kam kaba ia dei bad ka jingtih mawshun la ujor ruh da u
chairman and secretary ha ka 03.06.2013 jong kine ki shnong ka Banan bad Nongtalang, kiba hap hapoh jong ka Arnlarem Civil Sub Division. La ong ba ka la don ka jingtih mawshun kaba la palat pud ha kaba ka la wanrah ia ka jingjaboh ia ki umbam umdih bad ki tyllong um da ka jingtih Mawshun. Ki jaka kiba la shah ktah palat ki long ka Nongtalang bad ka Amtapoh.
Halor kitei kiei kiei baroh na ka liang jong u DC u la sngewdei ban pynjari ia ka kyndon 144 CrPC ha kitei ki jaka bad kane ka hukum kan neh haduh ban da pynbeit da ki bor kiba dei peit.(SP News)
