Shillong, Jylliew 05: Ka Seng khun Kynthei u Hynniewtrep Assiocation (KKHA) ka la kyntu ia ki paidbah baroh ha kane ka sor Shillong ba kin da ia husiar bha ia la ki jong ki pla haba iaid ba ieng namar la bun palat ki nong kloh pla ha khyndailad bad ha Iewduh ruh kumjuh.
Kane kala jia ha kine ki khyndait sngi kiba la leit noh ba kila don ki khynnah kiba iaid ba ieng tang kumno ban ioh kloh pla na ki paidbah. Kine ki nongkhloh pla ynda ki la dep leh ia ka kam kip het bad bun sien ki bym tip ei ei ki ngat namar ha ka jingkyrkieh bun sien la shah bat ei ei kiba lui lui.
Dang shen ka la don ka jingshah kloh pla ha Khyndailad lad ha kaba ki khynnah kim tip ia ka duh ka dang ki la shah rah ei sha thanad bad kane ka la pynjynjar kai ia ki kmie ki kpa ban leit sei ia ki khun na ka kti jongki pulit.
Kane ka seng ka kyntu ia ki pulit ba ki dei ban trei tyngeh ban kem ia kiba don kti ym ban shu kem katba lap. Ka KKHA ka ong ba kan sa trei tyngeh ban rat diengkhong ia ki ne ki briew kiba wan na sha bar ban pynthobria ia ka jaidbynriew.(SP News)
