Shillong, Nohprah 17: U Lat jong ka jylla Meghalaya u RS Moosshahary u la shim ia ka salute mynta ka sngi ha ka passing out parade jong ki heh pulit ha North Eastern Police Academy (NEPA). Baroh ki heh pulit kiba la pyndep ia kane ka jingshah hikai kaba kyrpang ki don haduh 116 ngut .
Ha ka jingkren jong u lat ka jylla ha kane ka sngi u la kyntu ia ki heh ba kin pyndon kam ia ka jinghikai na ka bynta ba kin trei ia ka kam ban ai ka jingshakri ia ka ri bad ki paidbah nongshong shnong jong kane ka jylla.
Kaba sngewsih eh ha khmat jong ki paidbah jong ka Ri India kaba ki shah kynnoh ka long halor ka bamsap, kiar na ka bam sap leh ia kaba don kam wat pynshitom ia kiba lului bad wat pynlait ia ki nongleh kam sinew.
Ha kane ka shisnem kaba ki heh pulit ki la ioh ia ki jinghikai ha kane ka jaka kaba la buh kyrpang ban pyntbit ki long ha ka liang jong ka ain, ka jingiadei para briew, kumno ban ai jingiada ia ki VVIP, ban tehlakam ia ki jingpynbthei bom bad ban peit ia ka rukom leh jong ki briew bad kiwei kiwei.
Ha kane ka sngi la sam ruh ia ki khusnam sha ki pulit kiba la leh bha ha kane ka jingshah hikai kaba shisnem lynter. Ha kane ka kynti kaba mynta na ki pulit jong ka jylla Meghalaya kiba la don ha kane ka jaka ai jinghikai kaba kyrpang ka long tang u wei.(SP News)
