Shillong, 
Nailar 02: mynta ka sngi la pynlongia ka Youth Festival 2013 bad la plie ruh ia ka jingsam dawai ia ki samla ia kaba la tip kumka Iron Folic Acid Supplementation Programme (WIFS) lyngba jong ka National Rural Health Mission (NRHM) na ka bynta jong ka East Khasi Hills ia kaba la plied a u myntri ka tnad ka koit ka khiah u Bah A L Hek.
Haba kren ha kane ka jingialang na ka liang jong u myntri u la ong ba ka jingpang Anaenia ka jylla bha ha kane ka jylla Meghalaya bad ha ka Ri India baroh kawei, ka daw ka long namar ka jingduna ka bam ha ki briew ha ka por ba ki dang khreh khi samla.
Kane ka dawai kaba yn sam sha kito baroh kiba la khreh ieng samla naduh ka rta 10 haduh 19 snem ka long ban iarap ia ki ha kaba kin ioh ia ka met kaba koit kaba khiah.ka jingai ia kane ka dawai kan long shisien shitaiew ha ki skul sorkar bad kiba la ithuh da ka sorkar katba ia kiba khlem leit skul yn ai lyngba ki jaka sam shana ha ki shnong.
Kiwei kiba la kren ha kane ka sngi ki long u Deputy Commissioner jong ka East Khasi Hills u S Goyal u ba dei ruh u chairman jong ka District Health Society. Ka Dr M K Marak kaba dei peit ia ka NHRM ha kane ka jylla lem bad kiwei ki heh sorkar bad ki doctor ki la ia donlang ha kane ka sngi ryngkat ki khynnah skul bad ki samla pule na ki college bapher bapher jong kane ka nongbah Shillong.(SP News)
