Shillong, Naiwieng 13: U heh pulit jong ka East Khasi Hills u Bah Kharkrang u la ong ba ia ka jingujor jong ka kong Agnes Kharshiing bad ka kong Angela Ryngad la phah sha police headquater ban phah tohkit ha ka tnad Criminal Investigation Department (CID)
Lah ban pynkynmaw hangne ba ia kane ka jingujor ia kiba paw kyrteng kumba la kdew ha ka kaiphot jong ka tnad tohkit jong ka sorkar pdeng ka Central Bureau of Investigation (CBI) la ai da kitei ki ar ngut ki nongialam seng treimon sngewbha ban dawa na ka sorkar ba dei ban pynshitom ia kiba don kti.
Ha kane ka jingujor na ka liang jong ki tei ki ar ngut ki la ong ba kane ka jingleh jong ki nongmih khmat paidbah ka ktah pat ia kito ki samla kiba la leh bha ha ka examin thungkam nonghikai ha ki skul rit jong ka sorkar jylla.
Ha kaba ia dei bad kane ka jingjia ki seng bhalang jong kane ka nongbah Shillong ha ka jingialang jong ka FKJGP ka la pynlong ia ka jingialang paidbah ha Mawkhar ban pynbor ia ka sorkar ba ka dei ban pynshitom ia ki briew kiba don kti.
Ha kane ka jingialang paidbah na ka liang jong ka kong Agens ka la ong ba lada ka sorkar kam leh ei ei na ka liang jong ka kan ai ia ka jingujor pyrshah sa ia u myntri rangbah ka jylla. Na ka liang jong ki seng bhlang ki daw ba ka sorkar ka dei ban leh ei ei ha kane ka bynta.(SP News)
