Nongpoh, Nailur 05: Ka long ka sien kaba nyngkong ba ia ka Meghalaya Boxing Association da ka jingiatreilang bad ka Ri Bhoi Boxing Association ki la ioh ban pynlong ia ka jingiakop ia kura kaba ar jong ka State Sub-Junior la sdang ha Ri Bhoi bad kan lut la shai ka sngi.
Ha ka jingkren jong u bah John F Kharshiing presidentjong ka MBA u la baroh ki nongiakura kiba la poi sha Nongpoh ban ia shim bynta ha kane ka jingialehkai ki la 105 ngut na kine 75 ngut ki dei ki shynrang bad 30 ngut ki dei ki kynthei.
Na ka liang jong ka MBA ka la shim ia ka rai ban rah ia kum kane ka jingialehkai sha baroh ki District jong ka jylla na ka bynta ban ia lad ia ki samla ba kin wan sha khmat ha ki jingialehkai bad kan long ka jingai mynsiem kiba bun.
U Bah P M Marbaniang, DSO u la pynpaw ia ka jingsngewnguh ia ka MBA kaba la lah ban wanrah ia kum kane ka jingialehkai ha kane ka District na ka bynta ban pynshlur ia ki samla ha kane ka jingialehkai, kiwei kiba la don lang ha kane ka sngi ki long u Bah P S Kharkongor, ADC, ka kong R Kharbihkiew bad ki nongkit kam jong ka seng Ri Bhoi.(SP News)
