Shillong, Iaiong 24: Ka jingtrei na ka bynta ka phase III jong ka greater Shillong Water Supply Scheme ka long shisha kaba la suki, ka jingsuki ka dei na ki ba bun ki daw kiba ka tnad sam umbam umdih jong ka sorkar jylla ka ia kynduh.
Ka daw kaba nyngkong ka long ba dei na ka jingpynlait slem palat jong ka tnad pynroi sor jong ka sorkar pdeng ia ka pisa kaba dei ka bynta kaba ar, hynrei na ka liang jong ka tnad sam umbam umdih jong ka sorkar Meghalaya ka la trei shitom ban pyndep ia kane ka kam ha kaba kut jong une u snem 2013.
Kane ka phase III ka long ban pynioh ia ka umbam umdih ha kine ki bynta jong ka nongbah Shillong, kata ka zones 7, 11, 12. Kane ka zones ka ai um iaki bynta jong ka Pynthorumkhrah bad Pynthorbah,ka Zone 11 ia ka thain Nongmynsong bad ka zone 12 ka kynthup ia ka thain Madanryting.(SP News)
