Shillong, Jymmang 10: Ka national High Way Authority jong ka Ri India kala aiti ia kontrak ban shna ia kane ka surok sha ka Leasing & Financial Services (ILFS) Ltd ha ka dur jong ka skhim kaba ki khot ha ka ktien nongwei Build Operate and Transfer (BOT).
Ki heh jong ka tnad PWD naka sorkar jylla ki iathuh ba ka jingiapher hangne ka long ba ka sorkar pdeng ka bei tang 40% bad u kontraktor u hap ban bei 60% na ka jinglut ha kaba shna ia kane ka surok ha ka jinglut kaba T.360 klur tyngka.
Ia kane ka surok la ai sha ka company ba pyntrei ia kane ka surok na ka bynta 20 snem. Lai snem kin pyndep ia ka jingtrei bad 17 snem ba kin khrong na kane ka surok ban pynmih ia ka jinglut ka jong ha kaba shna ia kane ka surok.
Ia kane kabai surok yn khrong da ka NHAI ban siew pat sha ka company kaba shna ia kane ka surok. Katkum ka jingiakut ka long ba ka NHAI ka hap ban siew T.75 lak tyngka man u bnai, lada ka jingkhrong na ka bai surok kam mih kumba la ia kut ka sorkar pdeng kan bei ia kaba duna.
Naka liang jong ki heh ka tnad PWD jong ka sorkar jylla ki iohi ba ia kane ka surok lah ban pyndep ha ka por kumba la ia kut namar ka por ka dang sah bad lada ki slem kajingduh nong ka liet sha ka company. Kumba ka long mynta ia ka dor bai kali ban khrong ia kiba iaid na kane ka surok ym pat lah ban pynbeit.(SP News)
