Guwahati, Lber 30: Ki nongthoh khubor bad ki bym dei ki nongthoh khubor kiba dei ha ophis mynta ka sngi kila pynlong ia ka jingiakhih ha phyllaw jong ka Guwahati Press Club ban pyrshah ia ka jingkhang noh ia ka jingpynmih ia ka khubor Sangbad Lahari, kaba dei ka kot khubor Bengoli kaba nyngkong na Shillong bad ia kaba la pynmih lang ha Guwahati ruh.
Da ka jingkhang noh ia kane ka kot khubor kala pynlong ia ki briew kumba 100 ngut kin shong khlem kam mynta. Ha kane ka jingiakhih kaba la long mynta ka sngi ki nongthoh khubor kiba don ha ka sor Guwahati kila the daki jian iong ban teh ia ka shyntur jong ki.
Na ka liang jong ki nongthoh khubor kila kyntu ia u myntri rangbah ka jylla Assam U Tarun Gogoi bad ia u Dr Mukul Sangma myntri rangbah ka jylla Meghalaya ba kin wad kilad ki lynti kumno ban pynmih biangia kane ka kot khubor da kaba ia kren bad ki trai jong katei ka kot khubor.
Katkum ka jingpynmih hukum na ki bor ba dei peit ia kane ka kot khubor la ong ba ka jingpynsangeh ia kane ka jingpynmih ia kane ka kot khubor kan long naduh ka shi tarik jong u bnai Iaiong mynta u snem. Na ka liang jong ki trai kila ong ba kin siew ia ka tulop kaba shi bnai ha dien ba la khang ia ka.
Ha kane ka jingiakhih kaba la long mynta ka sngi kiba la ai jingkren ki long u presidentjong ka AAMEF u Hiten Mahanta, ki nongthoh khubor ba la rangbah u Amal Gupta, Nava Thakuria bad kiwei kiwei de. Na ka liang jong ka AAMEF kila rai ban kin sa leit ban ujor sha u Labour Commissioner ha Guwahati kane ka long ban tip ia ka jingeh jong ki kot khubor la ka dei shisha ka jingduna pisa.(SP News)
