Guwahati, Jymmang 12: Ki nongtrei jong ki company bapher bapher jong ki Chit Fund ha ka jylla Asssam ki la pynlong ia ka jingiakhih ban dawa na ka sorkar Assam ba ka dei ban ialeh ban pynioh biang ia ka pisa jong ki paidbah kiba la thep ha kine ki company.
Ia kane ka jingiakhih la pynlong da ka Assam Agents Association(AAA), kine ki agent ha ka jylla Assamb aroh kawei ki don kumba 20 lak ngut. Na ka liang jong ka seng ka ong ba ka sorkar ka tip ia ka jingdon jong kine ki chif fund ha ka jylla lada ki dei kiba thok ba shukor kumno ka shah ia ki ba lum pisa naka paidbah.
Kane ka sorkar jong u Tarun Gogoi kam leh ban shut het kti ban ong ba kam don jingtip baroh ki kompeni kiba donha ka jylla Assam ka sorkar ka tip ia ki. Kumba ka long mynta kine ki agent kiba long tang ki nongtrei ki la hap ban phet rih na ki iing ki sem jong ki namar ka jingshah byrngem ha ki briew kiba la thep pisa ha ki company ba ki trei.
Ia kane ka jingiakhih paidbah la pynlong ha 6th Mile GS Road, ha kane ka jingiakhih ki la ia pyrta ba ki kwah ban ioh biang ia ka pisa jong ki. Narayan Saikia secretary jong ka seng AAA u la ong ba mynta palat 20 lak ngut ki briew naAssam ki la duh kam bad lada ka sorkar kam lah ban iarap lem tang ba kin ioh biang ia ka train a kine ki company ka bha ban iaid noh da kawei ka lynti.
La ong ba lada ka myntri rangbah jong ka jylla West Bengal ka lah ban iarap ban pynioh biang ia ka pisa jong ki paidbah kumno ka sorkar Assam kam lah ban leh. Kane ka jingiakhih jong ki ka long ban dawa na ka sorkar ba ka dei ban pynioh biang ia ka pisa jong ki paidbah.(SP News)
