Shillong, Jymmang 22: U myntri ka tnad khlaw jong ka sorkar jylla u Bah Prestone Tynsong haba kren ha ka jingialang ban pynneh pynsah ia ki jingthaw b aim ha kane ka sla pyrthei u la ong ba ka dei kamram jong u wei pat u wei u briew ban pynneh pynsah ia ki jingthaw baim baroh ha kane ka sla pyrthei.
Kumba ka long mynta ki paidbah ki sngewthuh ia ka jingkylla jong ka Mariang, kane ka jingkiew ka jingshit ha ka sla pyrthei kam dei shuh ka jingeh tang ia kawei ka Ri hynrei ka long ia ka pyrthei hi baroh kawei. U la ong ba ka sorkar Meghalaya ka la pyntrei kam ia ka ain Biodiversity Act, 2003. Ha kane ka sngi u myntri u la iathuh ruh ia ki kam kiba ka sorkar ka la dep ban leh ban ia da ia ka Mariang.
Ha ka jingkren jong u Additional Chief Secretary jong ka jylla u Bah PBO Warjri u la ong ba ka jingiadei hapdeng ki jingthaw baim baroh ka long kaba jan ha kaba yn lah ban pyniakhlad. Ha kane ka sngi ki la don kumba 60 tylli ki skul kiba la wan ban ia shim bynta. Ha kane ka sngi la pynlait paidbah ruh ia ka kot kaba lai kyrteng ‘ Butterflies of the Garo Hills”(SP News)
