Shillong, Sept 19: Ia ki skhim jong ka sorkar pdeng la pynipaidbah ia ki ha ka Public Information Campaign jong ka Bharat Nirman programmes kaba la pynlong ha Tynring. Ia kane ka jingai jingtip sha ki paidbah ia ki skhim jong ka sorkar pdeng la leh da ka PIB, DFP, DAVP, AIR & DDK.
Ha ka jingbatai jong u bah Mark Kharkongor, District Coordinator, haba kren halor ka n Nirmal Bharat Abhiyan scheme, u la ong ba ka jingthmu jong kane ka skhim ka long ban hikai ia ki paidbah kumno ban pynlong ia ki shong ki thaw kiba khuid kiba suba. La ka long ha ki skul ki iing briew lane ha ki jaka sam jingsam jong ka sorkar.
U Bah R. Kharduit, Block Programme Manager, Mawryngkneng Block, u la ong ba hapoh jong ka skhim NRHM, ki kam kaba ki trei ki long kum ka National Blindness Control Programme, Revised National Tuberculosis Control programme, National Leprosy Eradication programme, National Vector Diseases Control programme, National AIDS Control programme, National Iodine Deficiency Disorder Control programme, hynrei ki skhim kiba kham kongsan ki long ka JSY, JSSK, VHSNC, MHIS bad kiwei kiwei.
Kiwei kiba la kren ha kane ka jinghikai paidbah ha kaba ia dei bad ki skhim jong ka sorkar pdeng ha kane ka sngi kaba ar ki long u Dr D.K. Nongbri, DMCHO, E. Khasi Hills jong ka tnad ka koit ka khiah ka kong J. Syiem, JE, Shillong ,u N.J. Saikia, M&CO jong ka PIB, Shillong ha ka jingkren ka jong u u la batai ia ka jingthmu jong ka PIC.
Kum shibynta na kane ka jingai jinghikai ka la don ka jingpyninam ia ki khynnah kiba shait ba khlian bad ia ki jingtrei kam jong ki tnad sorkar bapher bapher la pynlong ha kine ki sngi.(SP News)
