Shillong Nailar 07:Ka jingialang halor ka National Tobacco Control Programme and Enforcement of the Cigarettes and other Tobacco Products Act (COTPA) ka la long mynta ka sngi hapoh ka jingpyniaid jong u Deputy Commissioner jong ka East Khasi Hills u Sanjay Goyal ha ka jingiadon lang jong kiwei kiwei ki ophisar kynthup ia ki briew jong ka NEHU.
Ha kane ka jingialang la ia kren halor ka jingpynmih hokum jong ka tnad ka koit ka khiah jong ka sorkar pdeng ha ka 30 tarik jong u bnai Jymmang 2008 ha kaba la khang pyrshah ban dih sikret ha ki jaka paidbah.
Ki jaka bala mana ban dih sikret ki long kum ha ki,Hotels, Restaurants, dukan coffee, pubs, bars, airport lounges, auditorium, hospitals, stadium, ki ophis , ha ki iing bishar, ki jaka ai jinghikai, libraries,kano kano ka jaka paidbah , railway station, jaka ieng ki bus bad kine kino ki jaka don ki paidbah.
Ha kane ka jingialang la ia kren ruh ba katkum ka ain tobacco products Act-2003 (COTPA) ka la kren pyrshah ban nym bit ban die ia ki sikeret hapoh ki 100 kam na jan ki jaka pule. Lada lap ba don kiba pynkhien ia kane ka ain ki shah dian kuno T.200 tyngka.
Ban lah ban pyntrei kam ia kane ka ain la kyrpad ia ki paidbah ba kin ai ia ka kti kamom kti ka diang ka jong kin a ka bynta ka jingiabhalang bad lada don ba ia leh pyrshah kin sngewbha ban pyntip sha kine ki number jong ki pulit. 1000, lane 2222277(police control), 2223451 (Sadar traffic) la khang pyrshah ia ki nongniah kali ba kin nym dih sikret.(SP News)
